Автошаруашылық ұжымы ағымдағы жылғы 21 қарашада 100 жастағы ҰОС ардагері Ажитаев Нұрғасым Әжітайұлына естелік сыйлықтармен және азық-түлік себетімен барды.
17 жасар Н.А. Әжитаев Жаңасемей аудандық әскери комитетімен әскерге шақырылды. Сол жылы Новосибирск қаласындағы мергендер мектебіне оқуға түсті. Оны бір жылда үздік тәмамдады. Басшылықтың назарын аударған сарбаз бірден Мәскеу маңындағы шайқасқа аттанды.
Маршал Малиновский Р.Я. басқарған Керчь қаласын жаудан азат етуге, сондай-ақ Екінші дүниежүзілік соғыстың негізгі шайқастарының бірі болып табылатын Курск доғасындағы әуе ұрыс іс-қимылдарына қатысты. Берлинді алу үшін шайқасқа қатысты.
Жеңіске қарамастан, 1945 жылдың тамызынан қыркүйегіне дейін ол Жапониямен соғысқан сарбаздардың артынан 293-ші атқыштар дивизиясының құрамында келесі қанды майданға аттанды. Н.Ажитаев квантунь армиясымен қатыгез шайқастағы ерлігі үшін марапатқа ие болды.
Жауынгерлік еңбегі үшін келесі наградалармен марапатталған: Жапонияны жеңгені үшін медаль, II дәрежелі Отан соғысы ордені, Кеңес Одағының Маршалы Г.К. Жуков медалі, «1941-1945 жылдардағы соғыс ардагері» төсбелгісі, «Тың игергені үшін» медалі, «КСРО Қарулы Күштеріне 50 жыл» медалі. Қазақстан Республикасы Президентінің бірнеше мерейтойлық медальдары, алғыс хаттары бар.
Н. Әжитаев 1951 жылы, яғни сегіз жылдан кейін еліне оралды. Зейнеткерлікке шыққанға дейін Қайнар ауылында ағаш ұстасы шеберханасының меңгерушісі болып 20 жыл жұмыс істеді. 2012 жылы қажылыққа барып, «Құрметті қажы» алтын медалімен марапатталды.
ҚР Президенті Іс басқармасы, сондай-ақ Автошаруашылық атынан ардагердің құрметіне Ұлы Отан соғысындағы Жеңіске қосқан үлесі үшін алғыс сөздер айтылды. «Біз Жеңісті жақындату үшін майданда соғысқан және тылда еңбек еткен ардагерлердің ерлігін ешқашан ұмытпаймыз», - деп атап өтті директордың орынбасары Бекмұратов Е.А.
ҰОС ардагерінің отбасы қазіргі уақытта Қосшы қаласында тұрады. 7 бала, 10 немере және 9 шөбере тәрбиелеуде. Қорқынышты соғыстан аман қалған ҰОС ардагері Н.А. Әжитаев: «Келесі ұрпақтың парызы – бүгінгі бейбіт күндердің құндылығын түсіну және Тәуелсіздіктің баға жетпес байлық екенін білу»,–дейді.
ҰОС ардагері Н.Әжитаев пен оның отбасы мүшелері ҚР ПІБ басшылығы мен Автошаруашылық ұжымына көрсеткен назарлары үшін алғысын білдіріп, Қазақстан тұрғындарына бейбітшілік пен амандық тіледі.
