2025 жылғы 3 мамырда Ұлы Отан соғысындағы Жеңістің 80 жылдығын мерекелеу қарсаңында «ҚР ПІБ Автошаруашылығы» РМК «Авто-Мото-Целина» ҚБ және «Мемориалдық аймақ» іздеу жасағының қолдауымен кәсіпорын аумағында ретроавтомобильдер мен экспонаттардың тақырыптық көрмесін өткізді. Бұл іс-шараның арнайы қонағы Ұлы Отан соғысының ардагері Ажитаев Нұрғасым және басқа да жауынгерлік іс-қимыл ардагерлері болды.
Ардагерлерге ҰОС жеңісіне қосқан үлесі үшін алғыс сөздер айтылды. «Біз майданда соғысқан және тылда еңбек еткен ардагерлердің Жеңісті жақындата отырып жасаған игіліктерін ешқашан ұмытпаймыз», - деп атап өтті «ҚР ПІБ Автошаруашылығы» РМК директоры Бекмұратов Е.А.
ҰОС ардагері Н. Әжитаев пен оның отбасы мүшелері ҚР ПІБ басшылығы мен Автошаруашылық ұжымына көрсеткен назарлары үшін алғыс айтып, Қазақстан тұрғындарына бейбітшілік пен амандық тіледі.
