Жиырма бесінші қазан – Қазақстанда Автомобиль көлігі қызметкерлері күні атап өтіледі. Бұл күні біз ұжымда әрдайым сенім артуға дағдыланған жүргізушіміздің есімін ерекше атап өткіміз келеді, ол – Тұрымбетов Дінмұхаммед Ілиясұлы. Мұндай жандар туралы «онымен бірге жүрсең, көңілің тоқ» деп айтады. Дінмұхаммед жолға шықпас бұрын көлікті тағы бір мәрте мұқият тексеруден ерінбейді, барар бағытын алдын ала ойластырып, сәл көбірек уақыт алса да, қауіпсіз жолды таңдайды. Ол үшін автокөлікті басқару – ең алдымен салондағы жолаушыларға қамқорлық жасау дегенді білдіреді. Ауа райы мен жолдағы жағдай өзгерсе де, оның жұмысқа деген көзқарасы өзгермейді: кез келген жағдайда жинақылық, ұқыптылық танытып, сабырлылық сақтайды.
Әріптестері Дінмұхаммедке тапсырылған кез келген міндеттің артық сөзсіз, уақытында орындалатынын жақсы біледі. Мұндай сенімділік өздігінен пайда болмайды. Оның артында бәрін мұқият тексеру және қателіктің құны жоғары жерде асығыстыққа бой алдырмау сияқты жылдар бойы қалыптасқан әдет тұр.
Қымбатты әріптестер! Сiздердi бұл айтулы күнмен шын жүректен құттықтаймыз. Жұмыстарыңыз қуаныш әкелсін, денсаулықтарыңыз мықты болсын, ал әр шаңырақта сіздерді жылулық пен бақ-береке күтсін!
